Azərbaycan millisinin hücumçusu Mahir Emrelinin çıxış etdiyi “Rakuv” Polşa çempionatında növbəti məğlubiyyətini alıb.
Çenstoxova təmsilçisi VIII turun ev oyununda “QKS Katovitse” ilə qarşılaşıb. Görüş qonaqların 4:1 hesablı qələbəsi ilə başa çatıb. Mahir matça start heyətində başlayıb və 61-ci dəqiqədə əvəzlənib.
Beynəlxalq oyunlarla əlaqədar yaranan üçhəftəlik fasilə “Rakuv”un xeyrinə olmayıb. Komanda fasilədən sonra da nəticələrini yaxşılaşdıra bilməyib, əksinə, əvvəlki matçlarla müqayisədə daha zəif təsir bağışlayaraq doğma meydanda ağır məğlubiyyətə üzülüb.
Bu nəticədən sonra “Rakuv” 3 xalla turnir cədvəlinin 18-ci, daha dəqiq desək sonuncu pillədə qərarlaşıb.