“Qarabağ”ın yarımmüdafiəçisi Coni Montielin komandanı tərk etmək fikrindən daşındığı bildirilir. 28 yaşlı ispaniyalı futbolçu ötən yay bir sıra Asiya və Avropa klublarından təkliflər alıb. O, Polşanın “Lex” klubunun transfer siyahısında da yer alıb və Ağdam təmsilçisindən ayrılmağa yaxın olub.
Lakin son məlumata görə, Montiel “Qarabağ”la əməkdaşlığı davam etdirməyi düşünür. Onun klubla hazırkı müqaviləsi cari mövsümün sonuna qədər qüvvədədir. Tərəflərin qış fasiləsində sözləşməni daha iki il müddətinə uzatmaq ehtimalı var.