Premyer Liqada 5-ci turun ilk oyunu keçirilib. “İmişli” doğma meydanda “Neftçi”ni qəbul edib. Görüş Bakı təmsilçisinin 3:2 hesablı qələbəsi ilə başa çatıb.

“Neftçi” oyuna fəal başlayıb və 12-ci dəqiqədə hesabı açıb. Vikasın dəqiq zərbəsi qonaqları önə keçirib. “Neçəftçi” 28-ci dəqiqədə fərqi iki topa çatdırıb. Bu dəfə Bruno Almeyda adını tabloya yazdırıb.

Lakin “İmişli” cəmi iki dəqiqə sonra cavab qolunu vurub. Bəxtiyar Həsənalızadə 30-cu dəqiqədə fərqi minimuma endirib.

İlk hissənin sonlarında meydan sahibləri hesabı bərabərləşdirməyə nail olublar. Hakimin əsas vaxta əlavə etdiyi 7-ci dəqiqədə təyin olunan penaltini Azər Salahlı dəqiq yerinə yetirib.

İkinci hissədə tərəflər daha ehtiyatlı oynayıblar. Hər iki komanda qələbə qolunu vurmaq üçün imkanlar axtarsa da, uzun müddət hesab dəyişməyib.  80-ci dəqiqədə “Neftçi” istəyinə çatıb. Qustavo Klismanın zərbəsi qonaqlara üstünlük qazandırıb.

Qalan dəqiqələrdə “İmişli” hesabı yenidən bərabərləşdirə bilməyib və qarşılaşma “Neftçi”nin qələbəsi ilə yekunlaşıb.

Beləliklə, “Neftçi” 5-ci turda 3 xal qazanaraq aktivini 12 xala çatdırıb və turnir cədvəlinin zirvəsinə yüksəlib. “İmişli” isə 4 xalla 8-ci pillədə qalıb.

İmişli – Neftçi 2:3 (2:2)

Vargas, 12 (0:1), B. Almeyda, 28 (0:2), Həsənalızadə, 30 (1:2), Salahlı, 45+7-pen. (2:2), Klisman, 80 (2:3)

Baş hakim: Kamranbəy Rəhimov.

İmişli: Sadiq Məmmədzadə, Bəxtiyar Həsənalızadə, Azər Salahlı (k), Fərid Nəbiyev (DiOqu Kardozu, 76), İdris İngilablı, Əkbər Eyyubov (Rafaell Viyeqas, 65), Yau Mozes, Dioqu Almeyda, Dioqu Rollo, Juninyo, Deku (Seyxan Fərəcov, 46).

Neftçi: Emil Balayev, Emin Mahmudov (k) (Qustavo Klisman, 56), Murad Xaçayev, Rüfət Abbasov, Falaye Sako, İfeanyi Metyu (Vitsko Şevel, 79), Endryu Qravilyon, Lyubomir Tupta (Draqolyub Saviç, 56), Breno Almeyda (Denzel Jubitana, 79), Freddi Vargas (Adeleke Akinyemi, 61), Alen Şkribek.

Sarı vərəqələr: Klisman, İngilablı.

Yevlax, Şəhər stadionu.