Beynəlxalq Şahmat Federasiyasının (FİDE) prezidenti Arkadi Dvorkoviç vəzifəsinin icrasını müvəqqəti olaraq dayandırıb. Bu barədə ali şahmat qurumunun mətbuat xidməti rəsmi məlumat yayıb.
Qərara Avropa İttifaqının Dvorkoviçi 21-ci sanksiyalar siyahısına daxil etməsi səbəb olub. Çıxarılan qərarı qanunsuz və ədalətsiz adlandıran FİDE rəhbəri bütün hüquqi vasitələrlə buna etiraz edəcəyini bildirib.
O, məhkəmənin yekun qərarınadək sanksiyaların təşkilatın işinə mane olmaması üçün bu step-i atdığını vurğulayıb: «Məhkəmə prosesi bitənədək bu sanksiyalar FİDE-nin normal fəaliyyətinə kölgə sala bilər. Təşkilatın maraqlarını nəzərə alaraq, prezident səlahiyyətlərimi könüllü şəkildə dərhal dondurmaq qərarına gəldim».
FİDE-nin nizamnaməsinə uyğun olaraq, prezidentin səlahiyyətlərini müvəqqəti olaraq təşkilatın vitse-prezidenti, şahmat üzrə 15-ci dünya çempionu Vişvanatan Anand icra edəcək.
Xatırladaq ki, Arkadi Dvorkoviç 2018-ci ildən FİDE-nin prezidentidir. O, 2022-ci ildə keçirilən seçkilərdə ikinci dəfə bu vəzifəyə seçilmişdi.