“Qarabağ”ın UEFA Avropa Liqası və UEFA Konfrans Liqasındakı ehtimal olunan rəqibləri növbəti matçlarına çıxıblar. Ağdam təmsilçisi Avropa Liqasının 3-cü təsnifat mərhələsinə adlayacağı təqdirdə, səfərdə Moldovanın “Şerif” klubunu 5:0 hesabı ilə darmadağın edən İsrailin “Makkabi” (Təl-Əviv) komandası ilə qarşılaşa bilər. Mübarizəni Konfrans Liqasında davam etdirəcəyi təqdirdə isə “Köhlən atlılar”ın rəqibi Avropa Liqasının 2-ci raundunda üz-üzə gələn “Dinamo” (Kiyev, Ukrayna) – PAOK (Yunanıstan) cütünün məğlubu olacaq. Bu komandalar arasında keçirilən ilk qarşılaşma yunanların 3:2 hesablı üstünlüyü ilə başa çatıb.
UEFA Avropa Liqası. 2-ci təsnifat mərhələsi, ilk oyunlar
Qarabağ (Azərbaycan) – ÇSKA Sofiya (Bolqarıstan) 0:0
Dinamo Kiyev (Ukrayna) – PAOK (Yunanıstan) 2:3
Tromse (Norveç) – Hradets-Kralove (Çexiya) 0:1
Hammarbü (İsveç) – Anderlext (Belçika) 1:1
Şerif (Moldova) – Makkabi Tel-Əviv (İsrail) 0:5
Beşiktaş (Türkiyə) – Midtyullann (Danimarka) 1:0
Sankt Qallen (İsveçrə) – Benfika (Portuqaliya) 2:1
Tvente (Niderland) – Ferensvaroş (Macarıstan) 1:2
Hayduk (Xorvatiya) – Pafos (Kipr) 2:0
Cavab oyunları iyulun 30-da keçiriləcək