Mundialın final matçı ərəfəsində Dieqo Maradonanın oğlu Argentinada yeni polemikaya səbəb olacaq açıqlama verib. O, atası ilə Lionel Messinin müqayisəedilməz olduğunu bildirib: “Atam bir yadplanetli idi, Messi isə sadəcə insanların birincisidir. Onları müqayisə etmək olmaz. Leo hətta 10 dünya çempionluğu qazansa belə, bu reallıq dəyişməyəcək. Messinin özü də Dieqonun bir nömrə olduğunu etiraf edib. Meydanda hər şeyə – təpik, yumruq və sərt müdaxilələrə icazə verilən bir dövrün oyunçusu ilə ayağa azca toxunmağa görə penalti təyin olunan indiki zəmanənin futbolçusunu necə müqayisə etmək olar?”