UEFA Konfrans Liqasının II təsnifat mərhələsində Azərbaycanı təmsil edəcək “Neftçi” və “Zirə”nin ilk oyunlarını idarə edəcək hakimlər briqadaları açıqlanıb.`

İyulun 22-də Bakıda, “Palms Sports Arena”da keçiriləcək “Neftçi” – “Dinamo” (Minsk) qarşılaşmasını Kiprdən olan hakimlər briqadası idarə edəcək. Baş hakim Kostas Fellasa yan xəttdə laynsmanlar Marios Kalogiru və Giorgis Xaralambus kömək edəcək, dördüncü hakim funksiyasını isə Konstantinos Neofitu yerinə yetirəcək. İyulun 23-də Estoniyanın Parnu şəhərindəki “Parnu Rannastaadion”da baş tutacaq “Paide” – “Zirə” görüşü Moldova hakim briqadasına tapşırılıb. Oyunun baş hakimi Roman Jitar olacaq. Ona laynsmanlar Viktor Mardar və Andrey Bodyan, dördüncü hakim qismində isə Andrey Brequtse yardım edəcəklər.