Şimali Makedoniyanın paytaxtı Skopyedə keçirilən 20 yaşadək güləşçilər (U-20) arasında Avropa çempionatına yekun vurulub.
Milli komandamız sərbəst güləş üzrə yarışları 2 qızıl, 2 gümüş və 4 bürünc olmaqla, ümumilikdə 8 medalla tamamlayıb. Bu nəticə ilə yığmamız 170 xal toplayaraq komanda hesabında 2-ci yeri tutub. Turnirin çempionu Rusiya (194 xal) olubsa, ilk üçlüyü Ermənistan (118 xal) tamamlayıb.
Medalçılarımız
Qızıl: Hacı Kərimov (70 kq), Yusif Dursunov (125 kq)
Gümüş: Camal Abbasov (61 kq), Nurlan Ağazadə (74 kq)Bürünc: Məhəmməd İsmayılov (57 kq), Bəşir Verdiyev (65 kq), Məhəmməd Abbaszadə (86 kq), Fərhad Süleymanlı (97 kq)