Erlinq Haland dünya çempionatları tarixinə adını yazdırıb. DÇ-2026-nın 1/16 final mərhələsində Kot-d’İvuarla qarşılaşan Norveç millisi 2:1 hesablı qələbə qazanaraq mərhələ adlayıb.
Skandinaviyalıların qollarından birinə komandanın ulduz hücumçusu Erlinq Haland imza atıb. “Opta Sports”un məlumatına görə, Haland dünya çempionatlarında keçirdiyi ilk 3 oyunda ən azı 5 qol vuran futbolçuların sırasına daxil olub.
Bu göstərici üzrə mütləq lider isə İngiltərə millisinin bombardiri Harri Keyndir. O, karyerasındakı ilk 3 DÇ oyununda rəqib qapılarına 6 qol vurmağı bacarıb.
1/8 final mərhələsində Norveç yığmasını turnirin əsas favoritlərindən olan Braziliya ilə çətin sınaq gözləyir.