İlk turda gözlənilmədən Konqo ilə oyunda heç-heçə edən Portuqaliya millisi bütün acığını mundialın debütantı Özbəkistanın üzərinə tökdü. İlk oyunda tənqid olunan Ronaldu bu dəfə dubl edərək qələbədə əhəmiyyətli rol oynadı.
Bundan başqa Kriştianu tənqidlərə rekordlarla cavab verdi. O, 6 fərqli dünya çempionatında qol vuran yeganə futbolçu kimi əlçatmaz bir rekorda imza atdı. Bununla da bitmədi; o, 41 yaş 138 günlüyündə rəqib qapısına yol taparaq, Lionel Messini geridə qoydu və mundiallar tarixinin ən yaşlı dubl müəllifi oldu. Eyni zamanda, dünya çempionatlarındakı qol sayını 10-a çatdıran forvard, Portuqaliya futbolunun əfsanəsi Eysebionun rekordunu təzələyərək millinin DÇ tarihindəki ən məhsuldar oyunçusu ünvanına sahib çıxdı.
Dünka Kuboku, K qrupu, 2-ci tur
Portuqaliya – Özbəkistan 5:0
Hyuston. NRG stadionu. 68777 tamaşaçı.
Hakim: Calal Cayed (Mərakeş)
Portuqaliya: Dioqu Koşta, Joao Kanselu (Semedu, 46), Ruben Diaş, Veyqa, Nunu Mendeş, Joao Neveş (Bernardu Silva, 76), Vitinya (Leau, 83), Pedru Netu (Fr. Konseysau, 46), Brunu Fernandeş, Joao Feliks (Trinkan, 64), Ronaldu.
Özbəkistan: Nemətov, Kərimov (Ciyanov, 90+2), Xusanov, Abdullayev, Nəsrullayev (Mozqovoy, 46), Qaniyev, Şukurov (Esanov, 90+2), Xamrobekov (Alicanov, 46), Fayzullayev (Sergeyev, 73), Şomuradov.
Qollar: Ronaldu, 6; 39. Nunu Mendeş, 17. Nemətov, 60-avtoqol. Leau, 87.
Sarı vərəqələr: Xamrobekov, 14. Veyqa, 68.