Batumidə keçirilən qadınların şəxsi Avropa çempionatı artıq “ekvatoru” arxada qoyub. 11 turdan ibarət yarışın bu gün keçiriləcək 7-ci turu turnir cədvəlində yeni dəyşiklərə səbəb ola bilər.
Azərbaycan təmsilçiləri arasında ən yüksək nəticəni son Avropa çempionu Ülviyyə Fətəliyeva göstərir. Hesabında 5 xal olan şahmatçımız hazırda turnir cədvəlinin 3-cü pilləsində qərarlaşıb və titulunu qorumaq üçün inamlı oyun nümayiş etdirir.
Ümumilikdə 166 şahmatçının iştirak etdiyi qitə birinciliyi 11 turdan ibarətdir və İsveçrə sistemi üzrə keçirilir. İyunun 5-dək davam edəcək yarışın növbəti turları medallar və Dünya Kubokuna vəsiqə uğrunda gərgin mübarizəyə səhnə olacaq.