FİFA-nın “Qarabağ”a tətbiq etdiyi transfer qadağası rəsmən ləğv olunub. Ali futbol qurumu tərəfindən növbəti üç transfer dönəmi üçün nəzərdə tutulan məhdudiyyət artıq qüvvədən düşüb.
Məlumata görə, Ağdam təmsilçisinin “qırmızı siyahı”ya düşməsi texniki xarakter daşıyıb. Paytaxtın digər təmsilçisi “Neftçi”yə bənzər vəziyyətlə üzləşən vitse-çempion, keçmiş transferlərdən biri üzrə ödənişi gecikdirdiyi üçün FİFA-nın müvafiq portalında avtomatik bloklanıb.
Klub rəhbərliyi yaranmış borcu qısa müddətdə tam şəkildə qapadıqdan sonra sistemdəki qadağa avtomatik olaraq silinib. Bununla da “Qarabağ”ın qarşısındakı bütün hüquqi maneələr aradan qalxıb.
Bu qərar “köhlən atlar”ın yay transfer pəncərəsində fəaliyyətini tam sərbəstləşdirir. Komanda qarşıdan gələn yay fasiləsində heyətini gücləndirmək üçün istədiyi oyunçuların keçidini rəsmiləşdirə biləcək.