“Qarabağ” ciddi sanksiya ilə üz-üzə qalıb. FIFA Ağdam təmsilçisinə yeni futbolçuların qeydiyyatı ilə bağlı rəsmi qadağa tətbiq edib.
Ali futbol qurumunun qərarına əsasən, bu sanksiya növbəti üç transfer dövrünü əhatə edəcək. Hazırda sanksiyanın hansı konkret səbəbdən (maliyyə öhdəlikləri, transfer qaydalarının pozulması və s.) tətbiq edildiyi barədə rəsmi açıqlama verilməyib.
Qeyd edək ki, analoji halla bir müddət əvvəl paytaxt təmsilçisi “Neftçi” də qarşılaşmışdı. Lakin “ağ-qaralar” yaranmış problemi qısa müddətdə hüquqi müstəvidə həll edərək qadağanı aradan qaldırmağa nail olmuşdular. “Qarabağ”ın da məsələ ilə bağlı apellyasiya şikayəti verəcəyi və ya borc öhdəliyi varsa, onu qapatmaqla sanksiyanı ləğv etdirəcəyi gözlənilir.