“Mədənçilər”in türkiyəli baş məşqçisi mövsümün sonunda Ukraynanı tərk etməyə hazırlaşır.

“Şaxtyor”un (Donetsk) sükanı arxasında olan Arda Turan karyerasını vətənində davam etdirmək niyyətindədir. “Dori” “X” (Twitter) hesabının məlumatına görə, 39 yaşlı mütəxəssis cari mövsüm başa çatdıqdan sonra komandadan ayrılmağı planlaşdırır.

Mənbə bildirir ki, gənc mütəxəssis “Şaxtyor”la vidalaşaraq Türkiyənin ən titullu klubu olan “Qalatasaray”ın başına keçməyə hazırlaşır. Qeyd edək ki, Arda Turan məhz “Cim-bom”un yetirməsi və klubun əfsanəvi simalarından biridir. O, 2005-2011 və 2020-2022-ci illər aralığında “sarı-qırmızılı” formanı geyinib. Bu müddət ərzində Arda Türkiyə çempionluğu (2007/08), ölkə kuboku (2004/05) və Superkubokun (2008) qalibi olub.

Arda Turanın rəhbərliyi altında Konfrans Liqasında uğurlu çıxış edən “Şaxtyor” yarımfinal mərhələsinə qədər irəliləyib. Lakin ilk matçda donetskli futbolçular İngiltərə “Kristal Pelas”na 1:3 hesabı ilə məğlub olublar.

“Mədənçilər”i qarşıda daha bir prinsipial sınaq gözləyir. Belə ki, sabah  Turannın komandası Ukrayna Premyer Liqası çərçivəsində  əbədi rəqibi Kiyev “Dinamo”su qarşılaşacaq.