“ Araz-Naxçıvan”ın baş məşqçisi Yuri Maksimov Premyer Liqanın VII turunda “Kəpəz”ə qarşı keçirilən və 0:2 hesabı ilə başa çatan matçı şərh edib.Təcrübəli mütəxəssis komandasının oyuna yaxşı başladığını və matçın gedişinə nəzarət etməyə çalışdığını bildirib. Onun sözlərinə görə, buraxılan qollar futbolçuların fərdi səhvləri və tələskənlik nəticəsində qeydə alınıb.Maksimov açıqlamasında deyib: “Matça yaxşı başladıq. Oyuna nəzarət etməyə çalışırdıq. Qolları öz səhvlərimiz ucbatından buraxdıq. Tələskənliyə görə oyuna nəzarəti itirdik. İndi “Sumqayıt”la matça hazırlaşacağıq”. Xatırladaq ki, “Kəpəz”lə qarşılaşma Yuri Maksimov üçün “Araz-Naxçıvan”ın baş məşqçisi postunda debüt oyunu olub.
