Rusiyanın Yuqorsk şəhərində neft ölkələri arasında keçirilən boks üzrə Dünya Kuboku başa çatıb. Turnirdə 15 ölkənin idmançıları gücünü sınayıb. Rafiq İsmayılovun rəhbərlik etdiyi yığmamız yarışda 4 medal qazanıb.
67 kiloqram çəki dərəcəsində döyüşən Malik Həsənov Dünya Kubokunun qalibi olub. O, finalda monqolustanlı Enxtor Teqşjarqalı məğlub edib.
Digər boksçularımızdan Yadigar Əliyev (51 kiloqram) gümüş, Əli Miriyev (60 kiloqram) və Novruzəli Quliyev (75 kiloqram) bürünc mükafat qazanıb.
