“PSJ”-nin hücumçusu Usman Dembele 2025-ci ilin “Qızıl top” mükafatının sahibi olub. Ötən mövsüm Dembele “PSJ”-nin heyətində Fransa çempionu, ölkə kuboku və superkubokunun qalibi olmuş, həmçinin Çempionlar Liqasını qazanmışdı.
Qeyd edək ki, “Qızıl top”u ən çox qazanan oyunçu argentinalı hücumçu Lionel Messidir – o, bu mükafatı 8 dəfə əldə edib. İkinci pillədə isə 5 dəfə bu uğura nail olan portuqaliyalı hücumçu Kriştianu Ronaldodur.
“PSJ”-nin baş məşqçisi Luis Enrike isə 2025-ci ilin ən yaxşı məşqçisi seçilib.
Qadınlar arasında ilin ən yaxşı məşqçisi İngiltərə yığmasının çalışdırıcısı Sarina Viqman seçilib. Mütəxəssis komandası ilə Avropa çempionatının qalibi olub. Finalda ingilislər ispanları penaltilərdə məğlub ediblər.