Batumidə keçirilən şahmat üzrə Avropa növbəti turunda kişi şahmatçılarımız Ukrayna yığması ilə qarşılaşıb. Millimiz rəqibinə 2,5:1,5 hesabı ilə qalib gələrək xallarını 13-ə çatdırıb və liderliyə yüksəlib. Yığmanın heyətində yeganə qələbəyə  Şəhriyar Məmmədyarov imza atıb. Rauf Məmmədov, Aydın Süleymanlı, Məhəmməd Muradlı və Eltac Səfərli isə görüşlərini heç-heçə ilə başa vurublar. Komandamız son turda qələbə qazanacağı təqdirdə digər görüşlərin nəticələrindən asılı olmayaraq, tarixində dördüncü dəfə qitə çempionu (2009, 2013 və 2017-ci) olacaq. Xatırladaq ki, bunadək millimiz  Slovakiya (3:1), Çexiya (2:2), Polşa (2.5:1.5), Niderland (2:2), Yunanıstan (2:2), Ermənistan (2.5:1.5) və Macarıstan (3:1) ilə qarşılaşıb.

Qadın şahmatçılarmız Rumıniya ilə qarşılaşıb və 2,5:1,5 hesabıyla qalib gəliblər. Xanım Balacayeva və Gülnar Məmmədova rəqiblərini məğlub ediblər. Ülviyyə Fətəliyeva heç-heçə edib, Ayan Allahverdiyeva uduzub.

Qadınlardan ibarət yığmamız daha əvvəl Sloveniya (4:0), Macarıstan (2.5:1.5), Fransa (2:2), Almaniya (1.5:2.5), Yunanıstan (2:2), Ermənistan (3:1) və Gürcüstan (1.5:2.5) ilə qarşılaşıb.
Hazırda hesabında 10 xal olan qadınlarımız 6-cı pillədə qərarlaşıb.