U-19 UEFA Gənclər Liqasında “Benfika” ilə üz-üzə gələn “Qarabağ” darmadağın olub. Ağdam klubunun gələcəyi sayılan komanda artıq ilk yarıda ağ bayraq qaldıraraq acınacaqlı məğlubiyyətin anonsunu verib. “Qarabağ” gəncləri 38 dəqiqəyə 6 top buraxaraq rəqib qarşısında aciz qalıblar.

İkinci hissədə rahatlaşan lissabonlu gənclər daha bir qol vurub və qonaqlara da təsəlli qolu vurmağa imkan verib, təbii ki, bunu təsəlli adlandırmaq olarsa.

Unutmayaq ki, Rəşad Sadiqovun çalışdırdığı “Qarabağ”ın 19 yaşlıları ölkənin ən güclülərindən hesab olunur.

Benfika U19 – Qarabağ U19 7:1

Qollar: Miguel Figueiredo 6. Gonçalo Moreira, 15; 17; 27; 38-pen. Francisco Silva, 20. Stevan Manuel 61 – Əli Qazıbəyov, 85.

Gənc qəhrəmanlarımız belə heyətlə çıxış edib:

Teymur Həsənov, Həbib Qədimov (Cavid Məlikov, 46), Rəvan Teymurov, Rəşad Əlişov, Amin Rzayev, Əbdüləziz Cabbarlı (Eltun Babazadə, 46), Hikmət Cəbrayılzadə, Əli Qazıbəyov, Əhməd Vəliyev, Əli İbrahim (Şahismayıl Cəfərov, 46), Əli Əliyev.