Ölkəmizin 19 yaşadək futbolçulardan ibarət yığma komandası Avro-2027-nin birinci seçmə mərhələsində sonuncu oyununa çıxıb. B6 qrupunda yer alan millimiz Litvanın paytaxtı Vilnüsdə Şimali İrlandiya həmyaşıdları ilə qarşılaşıb.
Matça fəal başlayan futbolçularımız hesabda önə keçməyi bacarıblar. Qarşılaşmanın 25-ci dəqiqəsində Tuncay Əhmədov rəqib qapısına yol taparaq komandamızı ümidləndirib. Lakin üstünlüyü sona qədər qorumaq mümkün olmayıb. Şimali İrlandiya təmsilçiləri geri dönüş edərək matçdan 2:1 hesablı qələbə ilə ayrılıblar.
Xatırladaq ki, seçmə mərhələnin bütün oyunları Litvada təşkil olunub. Millimiz turnirə uğursuz start verərək ilk matçında meydan sahiblərinə 0:4 hesabı ilə məğlub olmuşdu. Şimali İrlandiya üçün isə bu qarşılaşma qrupdakı ilk sınaq idi.
Şimali İrlandiya (U-19) – Azərbaycan (U-19) 2:1
Qol: Tuncay Əhmədov, 25.