Braziliya futbolunun və “Barselona”nın unudulmaz siması, 60 yaşlı Romario növbəti qalmaqalla diqqət mərkəzinə düşüb. 1994-cü ilin dünya çempionu, özündən 35 yaş kiçik olan tələbə-stomatoloq Tiffani Barselos ilə yollarını ayırıb. Ayrılığa səbəb isə futbolçunun sevgilisinin onun ən yaxın rəfiqəsi ilə xəyanətdə itiham etməsi olub.

Braziliya mediasının yaydığı məlumata görə, Romario Tiffanini onun yaxın rəfiqəsi Barbara Kavalkanti ilə aldadıb. Bu hadisə Tiffani üçün “ikiqat zərbə” olub, çünki Barbara onun ən etibarlı çevrəsinə daxil idi.

Xəyanətin üstü Romarionun Fernandu-di-Noronya kurortunda Barbara ilə görüntülənməsindən sonra açılıb. Şahidlərin sözlərinə görə, cütlük səmimi şəkildə əl-ələ tutaraq istirahət edib. Maraqlısı budur ki, bu səfərdən cəmi bir neçə gün əvvəl Tiffani Rio-de-Janeyroda Romario ilə birlikdə olub. Lakin son anda futbolçu gənc sevgilisini səyahətə aparmayacağını bildirib və onun yerinə rəfiqəsi ilə yola düşüb.

Xəyanətdən xəbər tutan Tiffani Barselos dərhal münasibətləri sonlandırıb. O, həm Romarionu, həm də keçmiş rəfiqəsini sosial şəbəkələrdə izləmədən çıxarıb, futbolçunun onun fotolarına yazdığı bütün şərhləri silib.

Romarionun şəxsi həyatındakı qeyri-stabillik davam edir. Tiffani ulduz futbolçunun son 4 ayda ayrıldığı 3-cü sevgilisidir. Cəmi 3 ay davam edən bu münasibət də digərləri kimi uğursuzluqla yekunlaşıb.

Hələlik tərəflərdən heç biri mövzu ilə bağlı rəsmi açıqlama verməyib. Lakin fakt faktlığında qalır: “Baixinho” (Balaca) ləqəbli əfsanə, yaşıl meydanlardakı sürətli oyun üslubunu şəxsi həyatındakı münasibətlərində də nümayiş etdirməkdə davam edir.