Qol sevincini qeyd edərkən boynunu qırdı
Zambiyalı futbolçu Patson Daka, Mali ilə oyunun son dəqiqəsində vurduğu qolu salto ataraq qeyd edərkən boynundan zədə alıb.
Afrika Millətlər Kubokunun “A” qrupunda ilk matçda Mali və Zambiya komandaları qarşılaşıb. V  Məhəmməd stadionunda keçirilən görüş 1-1 hesabı ilə başa çatıb.
Malinin qolunu 61-ci dəqiqədə Lassin Sinayoko vurub. Zambiyaya bərabərlik gətirən qolu isə 90+1-ci dəqiqədə Patson Daka qeyd edib. “Lester”də çıxış edən 27 yaşlı ulduz futbolçu, son dəqiqə qolunu qeyd edərkən azarkeşlərini qorxuya salıb. Sevinclə salto atan Daka, bir anlıq diqqətsizlik səbəbindən boynu üstə yerə düşərək zədələnib.
Beləliklə, Mali və Zambiya turnirə 1 xalla başlayıblar. Qrupun növbəti oyununda Mali Mərakeşlə, Zambiya isə Komor adaları ilə qarşılaşacaq.