Dünya futbolunun əfsanəsi, “Qızıl top” mükafatçısı Marko van Basten xəstə həyat yoldaşı Lizbetə baxmaq üçün jurnalist fəaliyyətinə fasilə verib. Niderlandın “Ziggo Sport” kanalında şərhçi və ekspert kimi çalışan sabiq futbolçu, həyat yoldaşının səhhətindəki problemlər səbəbindən efirdən uzaqlaşıb. Maraqlıdır ki, van Bastenin özü də vaxtilə ağır zədələr üzündən yaşıl meydanla erkən vidalaşmışdı.
Cütlüyün hekayəsi 1992-ci ildə başlayıb və bir il sonra Utrext yaxınlığındakı tarixi qəsrdə möhtəşəm toy mərasimi ilə rəsmiləşib. Xatırladaq ki, əfsanəvi hücumçu peşəkar karyerası boyu sadiqliyi ilə seçilib və yalnız “Ayaks” və “Milan” klublarının şərəfini qoruyub.v