“Mançester Yunayted” futbol dünyasında ən çox gəlir əldə edən klublardan biri olsa da, yanlış idarəçiliyin bədəlini ağır ödəyir. 2013-cü ildən bəri istefaya göndərilən məşqçilərin təzminat siyahısı klubun büdcəsində böyük bir “dəlik” açıb.

Klubun ən böyük itkisi Joze Mourinyonun gedişi zamanı qeydə alınıb — portuqaliyalı mütəxəssisə rekord sayılan 19,6 milyon funt təzminat ödənilib. Sonuncu istefa olan Ruben Amorim isə kluba cəmi bir neçə aylıq fəaliyyəti üçün 10 milyon funt sterlinqə başa gəlib.

Təzminat alanların siyahısı belədir:

Devid Moyes 4,9 mln funt

Lui van Qal 8,4 mln funt

Joze Mourinyo 19,6 mln funt

Ole-Qunnar Sulşer 10 mln funt

Ralf Ranqnik 14,7 mln funt

Erik ten Haq 10 mln funt

Ruben Amorim 10 mln funt

Klubun xərcləri yalnız istefalarla bitmir. “MYU” həm də direktorların transferi və yeni məşqçilərin (məsələn, Amorim üçün “Sportinq”ə ödənilən 11 milyon avro) klublarından alınması üçün milyonlar xərcləyib.

Aleks Ferqyusonun gedişindən sonra keçən 13 ildə klubun uğursuz təyinatlara görə itirdiyi məbləğ 100 milyon funta (təxminən 220 milyon manatdan çox) çatır.