“Zirə” klubunun cinah müdafiəçisi Qismət Alıyevin gələcək karyerası ilə bağlı apardığı danışıqlar yekunlaşıb. Son günlər təcrübəli futbolçunun “Neftçi”yə transfer olunacağı gözlənilsə də, bu keçid baş tutmayıb.
Müdafiəçi karyerasını “qartallar”ın heyətində davam etdirməyə üstünlük verib. Qismət Alıyev “Zirə” rəhbərliyi ilə yeni müqavilənin şərtləri barədə tam razılığa gəlib. Əldə olunan razılaşmaya əsasən, o, Bakı təmsilçisi ilə daha 2 illik sözləşməyə imza atacaq.
Xatırladaq ki, Qismət Alıyev 2020-ci ildən bəri “Zirə”nin uğurları üçün tər tökür və komandanın əsas heyət oyunçularından biri hesab olunur.