UEFA ötən mövsüm üzrə illik maliyyə hesabatını dərc edib. Hesabatda ölkə çempionu “Qarabağ”ın UEFA Avropa Liqasındakı çıxışı sayəsində əldə etdiyi rəsmi gəlirlər öz əksini tapıb. Ağdam təmsilçisi turnirin əsas mərhələsində göstərdiyi performans nəticəsində ümumilikdə 7 milyon 858 min avro gəlir əldə edərək büdcəsini əhəmiyyətli dərəcədə zənginləşdirib.
Ötən mövsüm “Qarabağ”ın Avropa Liqasında 1/8 final mərhələsinə qədər yüksəlməsi klubun həm nüfuzuna, həm də maliyyə göstəricilərinə müsbət təsir edən əsas amillərdən biri olub.
Gəlirlərin bölgüsü aşağıdakı kimidir
Qrup mərhələsinə vəsiqə: 4 milyon 310 min avro (Turnirdə iştirak üçün ayrılan sabit məbləğ);
Kommersiya gəlirləri: 3 milyon 15 min avro;
Nəticə bonusları: 458 min avro (Əsas mərhələdə qazanılan xallara görə);
Yekun sıralama payı: 75 min avro.
Qeyd edək ki, bu rəqəmlər yalnız UEFA tərəfindən birbaşa ödənilən mükafatları əhatə edir. Bura bilet satışı və digər dolayı gəlirlər daxil deyil.