Dünən Qana yığması Komor adaları üzərində 1:0 hesablı qələbədən sonra DÇ-2026-nın final mərhələsinə vəsiqə qazanıb. Bu qanalıların mundialda altıncı iştirakı olacaq. Qana yığması DÇ-2010-cu ildə azarkeşlərin daha çox yadında qalıb. Qanalılar həmin il Cənubi Afrikada keçirilən mundialda 1/4 finala qədər çıxmağı bacarmışdılar. Ancaq 2022-ci ildə Qətərdə keçirilən DÇ-də Qana qrup mərhələsini adlaya bilməmişdi. Xatırladaq ki, mundialın həlledici mərhələsi iyunun 11-dən iyulun 19-dək ABŞ, Kanada və Meksikada keçiriləcək və ilk dəfə final mərhələsinə 48 komanda qatılacaq.
