Bu günlərdə keçirilən mətbuat konfransında “Qalatasaray”ın prezidenti Dursun Özbək Mauro İkardi ilə bağlı dolaşan şayiələrə kəskin reaksiya verib. Klub başqanı “İkardinin “Qalatasaray”la nə problemləri ola bilər?” deyərək argentinalı forvardla bağlı diqqətçəkən açıqlamalar verib. O, argentinalı ulduzla bağlı xəbərlərin reallığı əks etdirmədiyini və onun son illərdəki töhfəsinin danılmaz olduğunu qeyd edib: “Hər tərəfdən atəş altındayıq. Klub daxili çəkişmələrin olmadığı bir zamanda belə xəbərlər yayılır. İkardi ilə “Qalatasaray” arasında hansı problem ola bilər? Bu nə problemdir! O, ən vacib oyunçularımızdan biridir. Onun son üç mövsümdə klubdakı xidmətlərini kim inkar edə bilər?”

Daha sonra klub prezidenti İkardinin komandasının simvolu olduğunu deyib: “Onun zədəsi ciddi idi və təxminən bir ildir sağalmasını gözləyirik. Futbolun ikonalarından biri olan İkardi artıq klubmuzun simvoluna çevrilib. “Qalatasarayı” etibarsız tərəf kimi göstərməkdən kimlər faydalanır? Bir çoxları “Qalatasarayı” aşağılamaq üçün əlindən gələni edir. Ancaq bunların heç biri bizə təsir etmir. Biz uğura yönəlmiş, doğru hesab etdiyimiz yolla irəliləməyə davam edirik. Onlar “Qalatasaray”ı absurd xəbərlərlə məhv etmək istəyirlər, amma heç kim Qalatasarayı məhv edə bilməz. Xəbər hazırlayarkən hər kəs diqqətli olmalıdır. “Qalatasaray” vahid bir bütövdür”.

Dursun Özbek açıqlamalarını ruhlandırıcı sözlərlə yekunlaşdırıb: “Heç kim narahat olmasın. “Qalatasaray” mövsümün sonunda məqsədlərinə çatacaq və azarkeşlərini sevindirəcək”.