PSJ tarixində ilk dəfə Avropa Superkubokunun qalibi oldu. Dramatik keçən oyunda hesabda 0:2 geri düşən parislilər sona 5 dəqiqə qalmış Li Kan İnin qolu ilə ümidləndi və 4-cü artırılmış qədiqədə Qonsalo Ramos nəhayət ki, parislilərin böyük üstünlüyünü qola çevirərək oyunu penaltilərə daşıdı. Oyunun gedişinə Luis Enrikenin əvəzetmələri təsir etdi.
Reqlamentə görə ekstra hissələr olmadan komandalar birbaşa penaltilərə keçdi və bu lotereyada PSJ 4:3 hesabı ilə qələbə qazandı. Matçın ən yaxşısı seçilən Osman Dembele bununla da Qızıl Top mükafatına bir az da yaxınlaşmış oldu.
Qeyd edək ki, Azərbaycanın FİFA referisi Elçin Məsiyev bu oyunda dördüncü hakim kimi futbolumuzun tarixinə adını yazdırıb.
UEFA Superkuboku
PSJ (Fransa) – Tottenhem (İngiltərə) 2:2, penaltilərlə 4:3.
13 avqust, Udine.
PSJ: Şevalye, Hakimi, Markinyos, Paço, Nunu Mendeş, Zaire-Emeri (Lin-Kan İn, 67), Vitinya, Due (Qonsalo Ramos, 77), Barkola (Mbaye, 67), Dembele, Kvaratsxeliya (Fabian Ruis, 60).
Tottenhem: Vikario, Pedro Porro, Danso, Van de Ven, Romero, Joao Palinya (Qrey, 67), Bentankur, Sarr (Berqvall, 90), Kudus (Tel, 79), Rişarlison (Solanke, 72), Spens.
Qollar: Van de Ven, 39 (0:1). Romero, 48 (0:2). Li Kan İn, 85 (1:2). Qonsalo Ramos, 90+4 (2:2).