Bu gün AFFA-nın baş qərargahında futzal üzrə 2025/26 mövsümü ölkə kubokunun püşkü atılıb. Ümumilikdə 16 komanda kubok uğrunda mübarizə aparacaq. Turnir 14 fevral tarixində 1/8 final mərhələsi ilə başlayacaq. Hər mərhələ bir oyundan ibarət olacaq və məğlub olan komanda turniri tərk edir. Final qarşılaşması may 21-də baş tutacaq. Püşkün nəticəsinə əsasən, ilk mərhələdə aşağıdakı komandalar üz-üzə gələcək:
U-19 – “Yeni Suraxanı”
“Lənkəran” – “Atletiko Bakı”
“STAR kargo” – “Şuşa”
“Xan Lənkəran” – “Dəstə Ordubad”
“Bakı Fayr” – “Araz-Naxçıvan”
“Neftçi” – “Trabzon Azərbaycan”
“Ulduz” – “Bakı Fayr-2”
“Timsport” – PFL
Yeri gəlmişkən , ölkə kubokunun son qalibi hazırkı çempionu PFL komandasıdır.
