İngilis futbolçu Arda Turanın belə xarakterizə edib

“Eyüpspor”un sabiq futbolçusu Conco Şelvi, vaxtilə birlikdə çalışdığı baş məşqçi Arda Turan barədə sosial şəbəkələrdə gündəm olan qalmaqallı açıqlamalar verib. Şelvi, türkiyəli mütəxəssisin iş otağındakı qeyri-adi vərdişlərini və rəftarını təəccüblə xatırlayıb.

İngiltərəli futbolçu Arda Turanın emosional və çılğın xarakterindən danışarkən bu ifadələri işlədib: “O, dəli idi, bilirsən, əsl psix! Mən onun ofisinə girirdim, o isə mənə “Con, səni sevirəm, səni sevirəm” deyirdi”.

Şelvinin sözlərinə görə, Arda Turanın iş otağındakı atmosfer peşəkar futboldan daha çox, səmimi və sərbəst mühiti xatırladıb. O, Ardanın viski və siqar həvəskarı olduğunu xüsusi vurğulayıb:

“Məşqdən sonra Arda ayaqlarını masanın üzərinə qoyub siqar və viski ilə dincəlirdi. Məndən tez-tez “səndə viski var?” soruşurdu. Mən İngiltərədə heç vaxt belə bir mənzərə görməmişəm. Bu, mənim üçün tamamilə fərqli bir təcrübə idi”.Qeyd edək ki, “Eyüpspor”da baş məşqçi kimi uğurlu fəaliyyət göstərən Arda Turanın bu qeyri-adi imici sosial mediada geniş müzakirələrə və maraqlı şərhlərə səbəb olub.