“INSIDE UPL” Telegram kanalının yaydığı məlumata görə, “Neftçi” Ukraynanın “Rux” komandasının kapitanı Denis Pidqurski ilə yaxından maraqlanır.
Bildirilir ki, 22 yaşlı futbolçunun transferində “ağ-qaralar”ın baş məşqçisi Yuri Vernidub şəxsən maraqlıdır. Futbolçunun Lvov təmsilçisi ilə müqaviləsi bu yay başa çatacağı üçün, “Neftçi”nin onu transfer etmək şansları kifayət qədər yüksək qiymətləndirilir.
Yuri Vernidub hələ “Krivbas”da çalışdığı vaxtlarda da Pidqurskini heyətində görmək istəyirdi. Lakin həmin vaxt “Rux”un yarımmüdafiəçi üçün tələb etdiyi 1 milyon avroluq məbləğ transferin qarşısını almışdı.
Denis Pidqurski bu mövsüm “Rux”un heyətində 17 oyuna çıxıb, lakin məhsuldar göstəricilərlə yadda qalmayıb. “Transfermarkt” portalı gənc futbolçunun hazırkı qiymətini 500 min avro civarında dəyərləndirir.