Birləşmiş Ərəb Əmirliklərinin Əbu-Dabi şəhərində təlim-məşq toplanışında olan “Neftçi” bu gün növbəti yoxlama oyununa çıxıb. Yuri Vernidubun rəhbərlik etdiyi kollektiv Misirin “Piramids” (Pyramids) klubu ilə qarşılaşıb.
Afrika Çempionlar Liqasının son qalibi ilə keçirilən görüş gərgin mübarizə ilə yadda qalıb. Hesabda geri düşən “ağ-qaralar” oyunun son dəqiqələrində tarazlığı bərpa edə biliblər. 87-ci dəqiqədə Murad Məmmədovun vurduğu qol sayəsində paytaxt təmsilçisi məğlubiyyətdən qaça bilib – 1:1.
Qeyd edək ki, “Neftçi” toplanaş çərçivəsində keçirdiyi ilk hazırlıq matçında Qazaxıstanın “Kayrat” klubunu 3:0 hesabı məğlub etmişdi.