İspaniya millisi məğlubiyyətsizlik seriyası üzrə İtaliyaya məxsus unikal rekordu təkrarlayıb. DÇ-2026-nın yarımfinalında Fransanı məğlub edən (2:0) Luis de la Fuentenin yetirmələri ardıcıl məğlubiyyətsiz oyunların sayını 37-yə çatdırıblar. Bu heyrətamiz seriya ərzində “Qırmızı Furiya” 28 qələbə qazanıb və 9 dəfə heç-heçə edib. İspanlar sonuncu dəfə 22 mart 2024-cü ildə Kolumbiya ilə yoldaşlıq görüşündə meydandan məğlub ayrılmışdılar (0:1).

Maraqlıdır ki, 2018-2021-ci illər aralığında 37 oyunluq seriya ilə rekorda imza atan İtaliyanın məğlubiyyətsizlik yürüşünə də məhz ispanlar son qoymuşdu.  (Millətlər Liqasının yarımfinalında 2:1).

Növbəti matç Avropa futbolu üçün tarixi əhəmiyyət daşıyır: əgər İspaniya dünya çempionatının finalında da uduzmasa, bu möhtəşəm rekordun təkbaşına və mütləq sahibinə çevriləcək.

Dünya futbol tarixində yığmaların ən uzun məğlubiyyətsizlik seriyaları:

37 oyun – İtaliya (2018–2021)

37 oyun – İspaniya (2024–2026)

36 oyun – Argentina (2019–2022)

35 oyun – Braziliya (1993–1996) 35 oyun – İspaniya (2007–2009)