2026-cı il FİFA Dünya Çempionatının startına sayılı günlər qalmış, iştirakçı milli komandaların cari bazar dəyərləri rəsmi olaraq elan edilib. Təqdim olunan siyahı turnir öncəsi komandaların iqtisadi gücünü və heyət keyfiyyətini göstərən əsas göstəricilərdən biri hesab olunur.

Dünyanın ən bahalı heyətinə malik komandası 1,32 milyard avro ilə İngiltərə seçməsidir. Onu cüzi fərqlə Fransa (1,30 milyard €) və İspaniya (1,17 milyard €) izləyir. Braziliya, Portuqaliya və Almaniya kimi futbol nəhəngləri də ənənəvi olaraq yuxarı pillələrdə qərarlaşıblar.

Heyətində Arda Gülər, Hakan Çalhanoğlu və Kenan Yıldız kimi parlayan ulduzları cəmləşdirən Türkiyə millisi, 512,70 milyon avro dəyərlə siyahının 11-ci pilləsində qərarlaşıb. “Ay-ulduzlular” bir çox köklü futbol ölkələrini geridə qoyaraq, dünyanın ən dəyərli 15 komandası sırasına daxil olmağı bacarıb.

Ən dəyərli milli komandaların siyahısı

Sıra    Komanda     Heyət Dəyəri (€)

1         İngiltərə       1,32 milyard

2         Fransa           1,30 milyard

3         İspaniya        1,17 milyard

4         Braziliya        924 milyon

5         Portuqaliya 845,50 milyon

6         Almaniya      827 milyon

7         İtaliya            825 milyon

8         Niderland    797 milyon

9         Argentina    553 milyon

10       Norveç          516,90 milyon

11       Türkiyə         512,70 milyon

12       İsveç              476,48 milyon

13       Mərakeş      450,55 milyon

14       Belçika          450,20 milyon

15       Seneqal        429,90 milyon

Siyahıda Argentina, İtaliya və Belçika kimi favoritlərlə yanaşı, Afrika və Cənubi Amerikanın sürətlə inkişaf edən komandaları da yer alıb. Bu rəqəmlər DÇ-2026 pley-off mərhələsi öncəsi rəqabətin nə dərəcədə kəskin olacağından xəbər verir.