Elitada qalmaq uğrunda mübarizə aparan iki komandanın görüşü gərgin keçdi. Yevlax şəhət stadionun nominal ev sahibi olan gəncəlilərin işini İbrahim Sanqarenin 38-ci dəqiqədə meydandan qovulması asanlaşdırdı. Say üstünlüyü ikinci hissənin əvvəlində işə yaradı. Ohori hesabı açdı. Qol epizodunda Ohori əla fərdi ustalıq nümayiş etdirdi və təkbaşına irəliləyərək topu üapıdan keçirdi. Azlıqda oynamasına baxmayaraq “Qəbələ” demək olar rəqiblə bərabər səviyyədə oynadı. Hətta hər iki komanda oyunun sonlarında qol imkanı əldə etdi. Yusif İmanovun çıxışda səhvini rəqib bağışladı. “Kəpəz” vacib qələbə ilə “Qəbələ”ni qabaqlayaraq 10-cu pilləyə yüksəldi.
Premyer Liqa, 15-ci tur
“Kəpəz” – “Qəbələ” 1:0
Qol: R. Ohori, 54.