Fransa millisinin hücumçusu və kapitanı Kilian Mbappe Dünya Çempionatının seçmə mərhələsinin 2-ci turunda İslandiya yığmasına qol vurmaqla milli komandadakı 52-ci qolunu qeyd edib. Bu nəticə ilə “Real Madrid”in 26 yaşlı forvardı Fransa yığmasının sabiq hücumçusu Tyerri Anrini geridə qoyub.
Hazırda Fransa millisinin bombardirləri siyahısında birinci yerdə Olivye Jiru qərarlaşıb. 38 yaşlı hücumçu millidə 57 qol vurub və yığma karyerasını bitirib.
Mbappe Fransa millisində debütünü 25 mart 2017-ci ildə, 2018-ci il Dünya Çempionatının seçmə oyununda Lüksemburqla matçda edib. Millidə ilk qolunu isə həmin ilin 31 avqustunda Niderlandla oyunda vurub.