Şotlandiyanın məşhur “Seltik” klubunu pley-off mərhələsində keçən Qazaxstanın “Kayrat” komandası tarixində ilk dəfə Çempionlar Liqasının qrup mərhələsinə düşüb. Hər iki oyunun qolsuz başa çatdığı dueldə penaltilər seriyası Alma-Atı komandası üçün uğurlu olub – 3:2. Oyunun qəhrəmsnı isə qapıçı Temirlan Anarbekov olub. Hər iki qarşılaşmada kritik qurtarışları ilə yadda qalan qolkiper penaltilər seriyasında 3 zərbəni dəf etməklə komandasına tarixi nailiyyət qazandırıb.
Qeyd edək ki, “Kayrat” bu oyuna əsas ulduzu Dastan Satpayevsiz çıxmışdı. Satpayev sarı vərəqələr üzündən oyunu buraxırdı.