“Kəpəz” qış fasiləsi üçün hazırlıq proqramını təsdiqləyib. Baş məşqçi Azər Bağırovun rəhbərliyi altında komanda ikinci dövrəyə ciddi kadr islahatları ilə hazırlaşır.
Yanvarın 3-də Gəncədə toplanışın start veriləcək və yeddi gündən sonra “Qəbələ” ilə səfərdə ilk yoxlama oynunu keçirəcək. Bundan bir həftə sonra isə Yevlaxda “Karvan-Yevlax”la qarşılaşacaq. Hazırlıq prosesi yanvarın sonuna, çempionat bərpa olunana qədər yerli şəraitdə davam edəcək. Komanda qapı xəttini Yusif İmanovla gücləndirib. Həmçinin hücum xəttinə Orxan Əliyev və gürcüstanlı yarımmüdafiəçi Rati Ardazişvili cəlb olunub.
Polşalı qapıçı Kaçper Rosa və müdafiəçi Pedru Qomeşlə yollar qarşılıqlı razılaşma əsasında ayrılıb. Bundan əlavə, hücumçu Şahmar Aşurov transferə çıxarılıb, icarədə olan gənc oyunçular Elcan Əbilov və Raul Məmmədov isə klublarına geri dönüblər. Toplanış müddətində tibbi heyətin əsas diqqəti zədədən yeni dönən futbolçuların fiziki bərpasında olacaq. Baş məşqçi yoxlama oyunlarında həm yeni transferləri, həm də zədədən qayıdan oyunçuları sınaqdan keçirərək optimal heyəti müəyyənləşdirməyi planlaşdırır.