AFFA İntizam Komitəsinin növbəti iclası keçirilib. İclasın yekununda Premyer Liqa və ölkə kuboku matçlarındakı qayda pozuntularına görə bir neçə klubun cərimələnməsinə qərar verilib:
“Kəpəz”: Misli Premyer Liqasının 18-ci turunda “Şamaxı” ilə keçirilən görüşdə meydana kənar şəxslərin daxil olmasına görə Gəncə təmsilçisi 5000 manat məbləğində cərimələnib. Bundan əlavə, turnir reqlamentinin pozulması səbəbindən klub daha 1000 manat ödəyəcək.
“Karvan–Yevlax”: Azərbaycan Kubokunun “Sumqayıt”a qarşı oyununda reqlament qaydalarını pozduğu üçün klub 1000 manat cərimə edilib.
“Turan-Tovuz”: “Qarabağ”la matçda futbolçularının limitdən artıq sarı vərəqə alması səbəbindən Tovuz klubu 700 manat məbləğində cərimə olunub.