Bu mövsüm Premyer Liqaya çıxan “İmişli” azarkeşləri təəccübləndirməkdə davam edir. Komanda “Sabah” və “Sumqayıt”ın ardından “Karvan-Yevlax”ı böyük hesabla məğlub edərək qələbələrinin təsadüfi olmadığını təsdiq etdi. Təəssüf ki, klub nümayəndələri ötən turda “Sumqayıt”la oyunda axmaq səhvə yol verməklə qələbələrdən birinin texniki məğlubiyyətlə əvəz olunmasına səbəb oldu. Əks halda dalbadal üç qələbə ilə “İmişli” liderlər qrupunda idi.
Rəqibindən açıq-aşkar güclü olan qonaqlar faktiki olaraq rahat qələbə qazandı. Vurulan qollar da baxımlı alındı. “İmişli”də yenidən çempionatın aparıcı oyunçularından birinə çevrilən Azər Salahlının başla vurduğu qol xüsusi ilə gözəl alındı. Yevlaxlılar isə bu oyunda rəqibini ciddi mənada narahat edə bilmədi. Görünən odur ki, “İmişli” baş məqşçi Jorj Kaşkilyanın rəhbərliyi altında hələ çoxlarına baş ağrısı olacaq.
PREMYER LİQA, 5-Cİ TUR
“Karvan-Yevlax” – “İmişli” – 0:3
19 sentyabr 2025. Şamaxı şəhər stadionu, 200 tamaşaçı
Baş hakim: Elvin Bayramov.
“İmişli”: K.İbrahimov, P.Kinqs (Kayl Speys, 60), Ə.Abdullayev (Nqvisani, 46), E.Yunuszadə, V.Abdullayev (İ. Qədirzadə, 46), U.Cahangirov, Ş.Sno, V.Roşa (E. Turabov, 24), T.Qavi, S.Durrant (Q. Əlizadə, 81), O.Doyeni.
“Karvan-Yevlax”: A.Sinenka, A.Ağazadə (İ. İnqilablı, 79), D.Rollo, H.İsayev, A.Salahlı, D.Almeyda (İ. Əliyev, 85), Y.Mozes (E. Morqan, 65), N.Karaklaiç (E. Rəhimzadə, 85), L.Silvestr (V. Qənbərov, 65), R.de Souza, E.Banquera.
Qollar: Dioqo Almeyda, 12. E.Banquera, 15. Azər Salahlı, 80.