Belçikanın “Yunion Qillois” klubunun baş məşqçisi David Hubert “Qalatasaray”la Çempionlar Liqasının oyunu ilə bağlı mətbuata fikirlərini bölüşüb. Belçikalı çalışdırıcı hər oyuna xal qazanmaq üçün çıxdıqlarını və qarşıdakı matçın onlar üçün çətin olacağını söyləyib: “”Qalatasaray” Türkiyənin ən yaxşı klubudur və liqalarının zirvəsindədir. Çempionlar Liqasında 12 mümkün xaldan 9-unu toplayıblar. Onların heyətində dünya səviyyəli oyunçular var. Buna görə də matç bizim üçün asan olmayacaq. Biz istənilən komandadan xal almaq istəyirik. Bilirəm ki, bu, bəzən sadəlövh səslənir, ancaq hər oyuna belə yanaşmalıyıq. Mümkün olanı etməli və fürsətimizdən maksimum yararlanmalıyıq. Bu, komandamızın Çempionlar Liqasındakı ilk təcrübəsidir. Məqsədimiz oyundan oyuna artırmaq və daha rəqabətli komanda olmaqdır. Mən irəliləyiş görürəm və indi növbəti addımı atmalıyıq”.
