Bu oyun şərhi yazılmayan və ya yazıla bilməyən oyunlar silsiləsindəndir. Yazmaq üçün ciddi bir mövzu yoxdur. Oyundan öncə 0:10 hesablı keçmişməğlubiyyətinin xofunu yaşayan azarkeşlərin tək istəyi biabırçı hesabla uduzmamaq idi. Bu baxımdan deyə bilərik ki, nəticə uğurludur. Məğlubiyyətə şükür etdiyimiz bir oyundan bundan artığını yazmağa ehtiyac da yoxdur. Oyunun gedişi göstərdi ki, narahatlıq əbəs deyil. Fransa istəsə azı 5-6 top vura bilərdi. Millimizin oyununda nə keyfiyyət, nə taktiki düşüncə nə də fiziki hazırlıq Fransa ilə nəinki başabaş, hətta müqavimət göstərmək üçün yetərli deyildi. Bəxtimiz onda gətirdi ki, fransızlar az enerji sərf etməklə istədikləri nəticəni qazanmaq istəyirdi.

D qrupu

Fransa – Azərbaycan – 3:0

Qollar: Mbappe, 45+2, Adrian Rabyo, 69, Florian Tauvin, 84

Hakimlər: Rohit Saqqi, Yorgen Ronninq Valstadsve, Ole Andreas Haukasen, Daniel Higraff

VAR: Tom Harald Hagen

AVAR: Siqurd Krinqstad