“Mançester Siti”nin forvardı Erlinq Haland Norveç yığmasında başqa soyadla çıxış etməyə qərar verib. O, millidəki futbolkasına anası Qryu Marit Breutun da soyadını əlavə edəcək. 25 yaşlı hücumçu yığmanın sentyabırda baş tutacaq oyunlarına kürəyinə Breut Haland yazılan futbolkada çıxacaq. Onu da deyək ki, Haland Norveç yığmasının tarixində ən çox qol vuran oyunçudur. Erlinq millinin formasında meydana çıxdığı 43 oyunda 42 qola imza atıb.

Onun valideynləri də öz sahələrində tanınmış idmançılar olublar. Norveçdə həm ananın, həm də atanın soyadından istifadə etmək geniş yayılmış bir təcrübədir. Atası Alfie Haland 2000–2003-cü illərdə “Mançester Siti”də çıxış edib. Anası Qry Marita Breut isə 1990-cı illərdə Norveçin məşhur yeddi növlü atletika (heptatlon) çempionu olub.

Ad dəyişikliyi barədə danışan Norveç yığmasının baş məşqçisi Stale Solbakken deyib: “Onun adı – ‘Breut’dur, artıq o qədər də çətin deyil. Mən bununla bağlı indiyə qədər heç nə bilmirdim.”