Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında ağırlıqqaldıraların yarışında atletimiz Ravin Alməmmədov (79 kiloqram) üç medal qazanıb. Birdən qaldırmada 155 kiloqram ağırlığın öhdəsindən gələrək ikinci yeri tutuan millinin üzvü  təkanla qaldırmada 190 kiloqram çəkini başı üzərinə qaldırmaqla üçüncü olub.  Alməmmədov  iki hərəkətin cəmində isə 345 kiloqram nəticə ilə fəxri kürsünün ikinci pilləsinə qalxıb. Qeyd edək ki, ağırlıqqaldırma üzrə millimiz İslamiadada qazandıqları medalların sayı 9-a çatıb. Daha əvvəl Nuray Əbilova (48 kiloqram) 3 bürünc, İsa Rüstəmov (71 kiloqram) isə 1 gümüş və 2 bürünc medal qazanmışdı.
Üzgüçülərmiz İslam Həmrəyliyi Oyunlarında üçüncü medalını qazanıb. Bu dəfə 200 metr məsafəyə kəpənək üsulla üzmə yarışında 2.01.16 nəticə göstərən Ramil Əlizadə gümüş medala layiq ğörülüb. Daha əvvəl Süleyman İsmayılzadə 1500 metr məsafəyə sərbəst üsulla üzmədə, qadınlardan ibarət yığmamız isə 4×200 metr məsafəyə sərbəst üsulla estafet yarışında bürünc mükafata sahib çıxıb.
Cüdo üzrə yığmamız qarışıq komanda yarışında finalada Özbəkistanla qarşılaşıb. Həlledici görüşdə rəqibini 4:0 hesabıyla məğlub edən yığmamız İslamiadanın qalibi olub. Millimizin uğuruna Fidan Əlizadə (57 kiloqram), Hidayət Heydərov (73 kiloqram), Südabə Ağayeva (70 kiloqram) və Elcan Hacıyev (90 kiloqram) imza atıblar.