“Liverpul”la keçiriləcək vacib səfər oyunu öncəsi əsas heyət üzvlərinə istirahət vermək və mümkün zədələrdən qaçmaq istəyən “Qarabağ”ın baş məşqçisi Qurban Qurbanov, meydana ikinci heyəti buraxmaq qərarı vermişdi. Görünür, “Köhlən atlar” bu rotasiya ilə də autsayderin öhdəsindən gələ biləcəklərini düşünürdülər.
Lakin Azər Bağırovun komandası yaranmış bu fürsətdən məharətlə yararlanaraq, turnir cədvəlinin lideri üzərində səfərdə parlaq qələbə qazandı. “Qarabağ”ın xilas olmaq cəhdləri, o cümlədən 61-ci dəqiqədə eyni anda edilən dördlü əvəzləmə belə oyunun gedişatını dəyişməyə kifayət etmədi. Ağdam təmsilçisi doğma meydanda xalsız qalaraq, Çempionlar Liqası öncəsi gözlənilməz sarsıntı yaşadı.
Ölkə çempionatdakı xal itkisi, ehtiyat oyunçular skamyasının hazırlıq səviyyəsini yenidən müzakirə mövzusuna çevirə bilər.
Azər Bağırovun gəlişindən sonra “Kəpəz”in oyununda hiss olunan canlanma, bu qələbə ilə pik nöqtəsinə çatdı. Lideri öz meydanında hər iki hissədə vurulan qollarla məğlub etmək Gəncə təmsilçisi üçün mövsümün ən böyük hadisəsidir.
QARABAĞ – KƏPƏZ – 0:2 (0:1)
Qollar: Renosuke Ohori, 24 (0:1), Ehtiram Şahverdiyev, 55 (0:2)
Bakı, “Azərsun Arena” stadionu
Baş hakim: Vüqar Həsənl
“Qarabağ”: Fabiyan Buntiç, Bədavi Hüseynov (k), Abbas Hüseynov (Elvin Cəfərquliyev, 61), Toral Bayramov (Marko Yankoviç, 61), Musa Qurbanlı, Nəriman Axundzadə, Sami Mmae, Dani Bolt, Kris Kuaku (Kamilo Duran, 61), Aleksey Kaşuk (Leandro Andrade, 61), Emmanuel Addai (Pedro Bikalyo, 82)
“Kəpəz”: Yusif İmanov, Məqsəd İsayev (Ümid Səmədov, 85), Ehtiram Şahverdiyev (Fərid Nəbiyev, 65), Rauf Hüseynli, Şakir Seyidov (Əli Səmədov, 85), Veysəl Rzayev (Rəhman Hacıyev, 62), Dioqo Verdaşka, Olavale Onanuqa (Mahamadu Ba, 62), Adama Fofana, Mate Abuladze, Renosuke Ohori
Sarı vərəqə: Yusif İmanov