Dünən gecə saatlarında keçirilən həlledici qarşılaşmalarla DÇ-2026-nın seçmə mərhələsinə yekun vuruldu. Meksikada baş tutan qitələrarası pley-off oyunlarından sonra mundialın son iki vəsiqəsinin sahibi də müəyyənləşdi.

Gərgin keçən mübarizədə Yamaykaya minimal hesabla (1:0) qalib gələn Konqo DR və Boliviyanı üstələyən (2:1) İraq adını dünya çempionatının iştirakçıları siyahısına yazdırdı.

Beləliklə, gələn yay Şimali Amerikanın üç ölkəsində — ABŞ, Kanada və Meksikada təşkil olunacaq möhtəşəm turnirin bütün iştirakçıları məlum olub. Futbol tarixində ilk dəfə 48 komandanın mübarizə aparacağı mundialın qrup mərhələsinin tam tərkibi artıq rəsmiləşib.

Xatırladaq ki, iyunun 11-də start götürəcək turnir həm də genişləndirilmiş formatı ilə dünya futbolunda yeni bir eranın başlanğıcı olacaq.

A qrupu: Meksika, CAR, Cənubi Koreya, Çexiya

B qrupu: Kanada, Bosniya və Herseqovina, Qatar, İsveçrə

C qrupu: Braziliya, Mərakeş, Haiti, Şotlandiya

D qrupu: ABŞ, Paraqvay, Avstraliya, Türkiyə

E qrupu: Almaniya, Kürasao, Kot-d’İvuar, Ekvador

F qrupu: Niderland, Yaponiya, İsveç, Tunis

G qrupu: Belçika, Misir, İran, Yeni Zelandiya

H qrupu: İspaniya, Kabo-Verde, Səudiyyə Ərəbistanı, Uruqvay

I qrupu: Fransa, Seneqal, İraq, Norveç

J qrupu: Argentina, Əlcəzair, Avstriya, İordaniya

K qrupu: Portuqaliya, DR Konqo, Özbəkistan, Kolumbiya

L qrupu: İngiltərə, Xorvatiya, Qana, Panama