“Selesao” artıq DÇ-2026-nın pley-off mərhələsinə vəsiqəni təmin etdiyindən, Şotlandiya ilə oyunda əsas məqsəd 1/16 finala hansı pillədən yüksələcəklərini müəyyənləşdirmək idi. C qrupunun lideri növbəti mərhələdə F qrupunun ikincisi (Niderland, Yaponiya və ya İsveç), qrup ikincisi isə həmin qrupun lideri ilə qarşılaşacaq.
Braziliyalılar üçün qrupda üçüncü yeri tutmaqdan yayınmaq olduqca vacib idi, çünki bu ssenaridə pley-offda Fransa və ya Almaniya ilə qarşılaşma ehtimalı yaranırdı. Pentakampeonlar tərəfdarlarını məyus etmədilər və sonda şotlandlar üzərində inamlı qələbə qazandılar.
Qarşılaşmanın ən maraqlı məqamı isə 34 yaşlı Neymarın meydana çıxması oldu. “Selesao”nun baş məşqçisi Karlo Ançelotti 75-ci dəqiqədə Mateus Kunyanın əvəzinə Neymarı meydana buraxdı. Bu, Neymarın 2023-cü ilin oktyabrından bəri Braziliya yığmasının heyətində çıxdığı ilk rəsmi qarşılaşma idi.
Qrupun digər oyununda isə gözlənilməz hadisə baş verdi. Oyunun əvvəlində Haiti millisi hesabı açdı – Mərakeşin qapıçısı Bunu topu öz qapısından keçirərək avtoqol müəllifi oldu. Ancaq erkən buraxılan qol afrikalıları ruhdan salmadı. İlk hissənin sonlarında komandalar qarşılıqlı qol şousu nümayiş etdirərək qısa müddətdə 3 qola imza atdılar. Əsas vaxtın sonunda isə “Atlas şirləri” matçda dördüncü qollarını vuraraq rəqibi tamamilə məyus etdilər.
Şotlandiya – Braziliya – 0:3
Qollar: Vinisius, 7, 45+3, Kunya, 60
Baş hakim: Sesar Arturo Ramos Palasuelos (Meksika)
Şotlandiya: Qann, Patterson (Rolston, 82), Makkenna, Hendri, Robertson (Tirni, 46), Douk (Kristi, 82), Maklin, Ferqyuson, Maktominey, Makginn (Adams, 90+2), Şenklend (Kertis, 90+2)
Braziliya: Alisson, Danilo da Silva, Markinyos, Qabriel, Duqlas Santos (Aleks Sandro, 82), Bruno Qimaraeş, Kazemiro (Fabinyo, 66), Paketa (Martinelli, 66), Rayan (Endrik, 82), Kunya (Neymar, 76), Vinisius
Xəbərdarlıqlar: Kristi, 89 – Danilo, 62, Fabinyo, 83
Stadion: “Hard Rok Stedium” (Mayami, ABŞ)
Şotlandiya – Braziliya – 0:3
Qollar: Vinisius Junior, 7, 45+3, Mateus Kunya, 60
Mərakeş – Haiti – 3:2
Qollar: Hakimi (39), Saybari (45+1), Rahimi (78) – Bunu (10, avtoqol), İsidor (43)
Hakim: Denni Desmond Makkeli (Niderland)
Mərakeş: Bunu, Hakimi, Halhal, Riad, Salah-Eddin (El-Murabet, 83), Amrabat, El Aynaui (Mazraui, 83), Dias (Unahi, 70), Saybari (Rahimi, 70), El-Hannus, El-Kaabi (Yassin, 70).
Haiti: Plasid, Düvern (Arkü, 80), Ade, Delkrua, Eksperiens, Kasimir, Jan-Jak (Simon, 80), Belqard, Providens (Nazon, 67), İsidor (Didson, 67), Jozef (Pyerro, 83).
Xəbərdarlıqlar: Nazon (79), Kasimir (93)
Stadion: “Atlanta Stadium” (Atlanta, ABŞ)
