“Real “dan icarə əsasında Fransa “Lion”una keçən gənc istedad Endrik, yeni komandasında artıq ilk rekorduna imza atıb.

Cəmi bir neçə gün əvvəl “toxucular” (Les Gones) öz sosial şəbəkə hesablarında ulduz transferin təqdimat videosunu paylaşıblar. The Touchline nəşrinin verdiyi məlumata görə, bu video qısa müddət ərzində 1,1 milyondan çox izlənmə toplayaraq, “Lion”un sosial media tarixində ən çox baxılan paylaşım olub.

Braziliyalı hücumçunun Fransa Liqasında debütü yanvarın 3-nə planlaşdırılır. Həmin gün “Lion” doğma meydanda “Monako” ilə qarşılaşacaq. Qeyd edək ki, Fransa çempionatının 16 turundan sonra “Lion” 27 xalla turnir cədvəlinin 5-ci pilləsində qərarlaşıb və Endrikin gəlişi ilə hücum xəttini daha da gücləndirməyi hədəfləyir.