Birləşmiş Ərəb Əmirliklərinin paytaxtı Dubayda kişi boksçular arasında keçirilən dünya çempionatı start götürüb. Turnirin ilk günündə yığmamızın uzvlərindən Məhəmmədəli Aşurəliyev (60 kq) rinqə çıxıb. 1/32 finalda Syerra-Leone boksçusu Visdom Barnorla qarşılaşan idmançımız döyüşü qələbə ilə başa vurub – 5:0 (30:27, 30:27, 30:27, 30:27, 30:27). Növbəti görüşdə Aşurəliyev ilk mərhələdən azad olan Mrema (Tanzaniya) ilə üz-üzə gələcək.
Xatırladaq ki, mundialda millimizin 11 boksçusu iştirak edir.